National flags

අජිත් පැරකුම් ජයසිංහ

කොවිඩ්-19 පාලනය වෙනුවෙන් දිස්ත්‍රික් 25ට ප්‍රධානීන් ලෙස හමුදා නිලධාරීන් 25දෙනෙකු පත්කිරීම සමාජයේ අවධානයට ලක්වී තිබෙනවා.

ජනාධිපති ගෝඨාභය රාජපක්ෂ රජය මුහුණදෙන බොහෝ ප්‍රශ්නවලට විසඳුම් සොයන්නේ හමුදාවෙන්. මීට පෙර ඔහු සෞඛ්‍ය අමාත්‍යාංශයේ ලේකම් ලෙස මේජර් ජනරාල් එස්.එච්. මුණසිංහ පත්කළා. රජයේ ජ්‍යේෂ්ඨ තනතුරුවලට පත්කරන ලද හමුදා නිලධාරීන් ගණන දුසිම් ගණනක්. එම පත්කිරීම්වල ඵලදායිතාව විශ්ලේෂණය කර බැලුවහොත් කුමක් සිදුවෙයිද?

දේශපාලනයේදී මහජන ආරක්ෂක අමාත්‍ය ධුරයට පත්කරන ලද හිටපු නාවික හමුදා නිලධාරි සරත් වීරසේකර සාර්ථක වී ඇති බවක් පෙනෙන්නේ නැහැ. ආරක්ෂක අමාත්‍යාංශයේ ලේකම් ධුරයට පත්කරන ලද විශ්‍රාමික හමුදා නිලධාරි කමල් ගුනරත්න සම්බන්ධයෙන් තත්වයත් එයයි. ඔවුන් සාර්ථකත්වයක් නොපෙන්වද්දී ජනාධිපතිවරයා කරන්නේ තව තවත් හමුදා නිලධාරීන් රාජ්‍ය සේවයට පිරවීමයි.

ජනාධිපතිවරයා සියලු ප්‍රශ්නවලට විසඳුම් හමුදාවෙන් සොයන්නේ ඇයි? එයට මූලික හේතුව, හමුදාව හැර ලක්ෂ දහයකට වැඩි රජයේ සේවය කළමනාකරණය කරගන්නට හා කාර්යක්ෂම කරගන්නට ඔහු අසමත් වීම නොවේද?

ජනාධිපති තනතුරට පත්වුණා නම්, රාජ්‍ය යාන්ත්‍රණයට නායකත්වය දීම හැර වෙනත් විකල්පයක් නැහැ. ජනාධිපති වුණා කියා විශ්වකර්ම වන්නට බැහැ. හමුදාව රජයේ තනතුරුවලට පත්කළාය කියලා කිසිවක් නොවන බව තේරුම්ගන්නට ගතවන්නේ මාස කීපයක් විතරයි.

හැබැයි, රාජ්‍ය අංශයේ කාර්යක්ෂමතාව ඉහළ නැංවීම පහසු කාර්යයකුත් නෙමෙයි. එය ඒ තරමට නිලධාරිවාදයෙන්, දූෂණයෙන්, කුසලතා නැතිකමින්, පුහුණුව පිළිබඳ ගැටලුවලින්, හරිහමන් වැටුප් නැතිකමින් පීඩාවට පත්වෙලා.

යුද්ධයක් නොමැති මෙම සමයේදී හමුදා නිලධාරීන් ඵලදායී කාර්යයන්ට යෙදවීමේ වරදක් නැහැ. එත්, හමුදාව රජයේ ඉහළ තනතුරුවලට පත්කිරීමෙන් රජයේ කාර්යක්ෂමතාව ඉහළ යනවා වෙනුවට අනෙක් පැත්ත සිදුවන්නට පුළුවන්. සම්පූර්ණයෙන්ම වෙනස් සංදර්භයකින් පැමිණෙන හමුදා නිලධාරීන් රාජ්‍ය සේවයට මැදිහත් වන ආකාරය වෙනස්. සරලව කිව්වොත්, හමුදා පාට් සිවිල් සමාජයට හරියන්නෙ නැහැ. ඒක රජයේ ඉහළ තනතුරුවලට තියා ගමේ ජන ජීවිතයටවත් ගැලපෙන්නෙ නැහැ. ඒ නිසා සාමාන්‍ය සොල්දාදුවන් නම් ගමේදි ගමට අවශ්‍ය විදියට ජීවත් වෙනවා. රජයේ තනතුරුවලට පත්කරන ලද හමුදා නිලධාරීන් එයට සමත් විය යුතුයි. සරත් වීරසේකර, කමල් ගුනරත්න වැනි අය නම් දිගින් දිගටම පෙන්වා තිබෙන්නේ ඔවුන් එයට අසමත් බවයි. එහෙත්, යුද්ධයේ අවසානයෙන් පසු ජ්‍යේෂ්ඨ තනතුරුවලට පත් වර්තමාන හමුදා නිලධාරීන් යුද කාලයේ රණවිරු මානසිකත්වයෙන් සිටි හමුදා නායකයන්ට වඩා වෘත්තිකභාවයෙන් ඉහළ මට්ටමක සිටින්නටත් පුළුවන්.

ජනාධිපති ගෝඨාභය රජයේ ඉහළ තනතුරුවලට හමුදා නිලධාරීන් පත්කිරීම කුමන්ත්‍රණ න්‍යායයෙන් විග්‍රහ කර භයානක චිත්‍රයක් නිර්මාණය කරන්නටත් පුළුවන්. එහෙත්, මා නම් හිතන්නේ ජනාධිපතිවරයාට සාර්ථක මර්දකයකු වන්නට ඉඩක් නැහැ. මහජන මර්දනයට බැස්සොත් ඔහුට ගොඩඑන්නට බැරි වේවි. ඒ වගේම, ජන මර්දනයකට හමුදා සහාය කොයිතරම් දුරට ලැබෙයිද කියන එකත් සැකයි. යුද කාලයේ හමුදාවලට වඩා ශිෂ්ට, වඩා වෘත්තික මට්ටමේ හමුදා තමයි දැන් තියෙන්නෙ.

අනෙක් පැත්තෙන්, මේ මොහොතේ රජයට කිසිවක් කරන්නට නොදෙන්නේ විපක්ෂ බලවේග නෙමෙයි. රජයේම හවුල්කරුවන් තමයි. ඒ නිසා මර්දනය කරනවා නම් කරන්නට සිදුවන්නේ තමන්ගේම බලවේග තමයි. හැබැයි, රට ගොඩදාන්නට දැඩි උවමනාවක් තිබෙනවා නම්, ගැඹුරක් නොමැති, ජාතිවාදී, මිථ්‍යාව පසුපස යන බයි බලවේගය නිසි තැනින් තියන්නට නම් වෙනවා. ඒක මර්දනයෙන් නොවෙයි, මොළෙන් කළ යුතු වැඩක්.

7 thoughts on “සිවිල් තනතුරුවලට හමුදා නිලධාරීන් පත් කරන්නේ ඇයි?

  1. Yudha hamudawak viruwo ho noviruwan viya heki wunath , owhuo da samaja kutumbayanhi nithya saamanikayo bawa amathaka nokala yuthuya . Wesesin ehi pahala nilayan soyana vetupa eaka pudhgala paribhojanayatama sammaadam nowei .
    Enisaa hamudawak yodaa janathaawa mardanaya hil kooden wathura adiemak viya heka . Lokkanta pasubasinna siduviya hekke kawruth panata aadare nisaaya .
    Namuth pramaadarshi vinayakin bawthiesma lebo hamudaawak civil samajaya haa getiemedie noyek apahasuthaa deparsayatama athiwe . Ebevin paalakayaa eakanaayaka noviya yuthuthuya .
    Civil samaajayan paalanaya kiriemata Pawra Sewaye daksa paripalana nileththo pasekalanne mandei mata nam prasneki .

  2. Yakada sapathuwada Bineththuda Avidyawa padanamwoo mithyawada , kujiethawana yugaya arembenne Thotillak pedaviemata waram lath manussya isthriengeni .
    New Zealand , Germany , Arjentina , Thaiwan , Belo russiya , Honk kon , kerala india , Latin american weni ratawala abhietha sthrien maanushika raajya paalanayakata daayaka viema karana bevini .
    Ebavin idiri kaala prantharaya lowa aekadhipathi viyaruwa menma aekadhipathithwayata kesakawana mari modayanda langadiema kujietha wanu nisekaya .

  3. ළිපියේ වැදගත්ම කොටස ඇත්තේ අවසානයේයි. ෆේස්බුක් පඩංගු මානසිකත්වයෙන් ඉන්න බයියන්ට පොළොවේ යථාර්තය අවබෝධ වෙනතාක් රට හැදීම බොරු!

  4. අමාත්‍යාංශ ලේකම්වරුන්ගේ සාර්ථකත්වය ගත්තහම ඔක්කොම එකම බෝට්ටුවේ. කමල් ගුණරත්නගෙන් විතරක් ‘සාර්ථක’ බව හොයන එකේ තේරුමක් නෑ. අනික අමාත්යාංශ ලේකම් වරයා කියන්නෙ පරිපාලකයෙක් පමණයිනෙ.

  5. Paripalakaya adaksa nam eka vidyakata da , daksanam thawa vidiyakata da departhamenthu devenu etha .
    Meya thearum noganne nam , nilalath rookada leakamla bawata pathwanawa sikuruya .

Leave comment

Your email address will not be published. Required fields are marked with *.

%d bloggers like this: