EconomyLife
On:

හම්බන්තොටට විශාල තෙල් පිරිපහදුවක් අවශ්‍යද? ආණ්ඩුව එය අවශ්‍ය බව කියන අතර පරිසරය වෙනුවෙන් සහ කුරුල්ලන් වෙනුවෙන් කතාකරන අය අතරින් පවා එයට විරුද්ධ අදහස් ඉදිරිපත් වී නැත. මම මීට වසර පහළොවකට පෙර හම්බන්තොට වරායට යාබදව පිරිපහදුවක් සඳහා අවශ්‍යතාවය  ඉදිරිපත් කළෙමි. වරාය සහ පිරිපහදුව අතර සහජීවනයක් ඇත. ලාභ ඉන්ධන සැපයීම වරාය ආකර්ශනීය කරයි. වරාය හරහා අඩු වියදමින් කෙරෙන  පිරිපහදුවේ යෙදවුම් සහ නිෂ්පාදන ප්‍රවාහනය පිරිපහදුවේ ව්‍යාපාරික තත්ත්වය වැඩිදියුණු කරනු ඇත. එබැවින්, පිරිපහදුවක අවශ්‍යතාවය ගැන මහා ප්‍රශ්නය සම්බන්ධයෙන් කිසිදු මතභේදයක් නොමැත..Continue Reading

EconomyLife
On:

වත්මන් රජය මේ වසරේ රාජ්‍ය ආදායම් ඉලක්ක පසු කර යමින් සිටිය ද, රටේ ආර්ථික වර්ධනයට සෘජුවම දායක වන ප්‍රාග්ධන වියදම් තවමත් පවතින්නේ 30%කට ආසන්න ඉතා පහළ මට්ටමක ය. ක්‍රමවත් බදු පරිපාලනයක් හරහා දේශීය ආදායම ඉහළ නංවා ගැනීමට රජය සමත් වුව ද, සමස්ත ආර්ථික වර්ධනය තවමත් ඉතා මන්දගාමී මට්ටමක පවතී. 2025 වසරේදී මෙරටට ලැබුණු ඍජු විදේශ ආයෝජන (FDI) ප්‍රමාණය අමෙරිකානු ඩොලර් බිලියන 1.06ක් පමණක් වූ අතර, එය දළ දේශීය නිෂ්පාදිතයෙන් 1%ක් වැනි ඉතා අවම අගයකි. මහා පරිමාණ සංවර්ධන ව්‍යාපෘති නොමැති වීම සහ නව රැකියා උත්පාදනය නොවීම හමුවේ මුදල් සංසරණය අඩපණ වී ඇත. අතීතයේ මහින්ද රාජපක්ෂ වැනි නායකයන් ‘දැයට කිරුළ’ වැනි ප්‍රදර්ශන හා ව්‍යාපෘති පවා ක්‍රියාත්මක කළේ රජයේ මුදල් බිම් මට්ටමේ ජනතාව අතට ගලා යාමට සැලැස්වීම සඳහා ය. සිරස වැනි තෝරාගත් මාධ්‍ය ආයතනවලට මුදල් ලබා දුන් පමණින් එවැනි ආර්ථික ප්‍රසාරණයක් සිදු වන්නේ නැත.

Continue Reading

EconomyLife
On:

රාජ්‍ය ආයතන 34ක් වසා දැමීම හෝ ඒකාබද්ධ කිරීම පිළිබඳව රජය කරුණු සොයා බලමින් සිටින බව ජනාධිපති අනුර කුමාර දිසානායක මහතා ඔක්තෝබර් 23 වැනිදා ප්‍රකාශ කළේය. එය බොහෝ කලකට පෙර ගත යුතුව තිබූ ඉතා අගය කළ යුතු පියවරකි. රටට ප්‍රමාණවත් ප්‍රයෝජනයක් ලබා නො දී මහජන මුදල් හා සම්පත් නාස්ති කරන, අනවශ්‍ය සහ අකාර්යක්ෂම රාජ්‍ය ආයතන මෙන්ම එකම කාර්යය සිදු කරන විවිද ආයතන ද ප්‍රමාදයකින් තොරව වසා දැමීම හෝ ඒකාබද්ධ කිරීම කළ යුතුය.Continue Reading

LawPeople
On:

දශක හතරකට වැඩි කාලයක් පුරා මෙරට පුරවැසියන්, වෘත්තීය සමිති ක්‍රියාකාරීන් සහ දේශපාලන විරුද්ධවාදීන් නඩු විභාගයකින් තොරව දීර්ඝ කාලයක් සිරගත කිරීමට යොදාගත් කුප්‍රකට ත්‍රස්තවාදය වැළැක්වීමේ පනත (PTA) සහමුලින්ම අහෝසි කරන බවට පොරොන්දු වෙමින් වත්මන් ආණ්ඩුව බලයට පැමිණියේය. එහෙත් අද සිදුවෙමින් පවතින්නේ එම මර්දනකාරී නීතිය අහෝසි කිරීම වෙනුවට, ඊටත් වඩා බිහිසුණු සහ එකිනෙකට බැඳුණු නීතිමය ස්තර දෙකක් ඔස්සේ සාමාන්‍ය පොදු ජනතාවගේ එදිනෙදා ජීවිතය, පෞද්ගලිකත්වය සහ ප්‍රජාතන්ත්‍රවාදී අයිතිවාසිකම් ගිලගැනීමේ සූක්ෂ්ම ව්‍යාපෘතියකි. ‘ත්‍රස්තවාදයෙන් රාජ්‍යය ආරක්ෂා කිරීමේ පනත් කෙටුම්පත’ (PSTA) සහ ‘සංවිධානාත්මක අපරාධ වැළැක්වීමේ පනත් කෙටුම්පත’ (POCA) යන පනත් ද්විත්වය හරහා නිර්මාණය වන්නේ දේශපාලනඥයන්ට හෝ මාධ්‍යවේදීන්ට පමණක් නොව, මහමඟ බැස තම අයිතීන් වෙනුවෙන් හඬ නගන සෑම සාමාන්‍ය පුරවැසියෙකුටම එරෙහිව ක්‍රියාත්මක කළ හැකි මර්දන යාන්ත්‍රණයකි.Continue Reading

LawPeople
On:

ශ්‍රී ලංකාවේ නීතියේ ආධිපත්‍යය සහ පුරවැසියන්ගේ මූලික අයිතිවාසිකම් පිළිබඳ සාකච්ඡාවේදී බරපතළ අවධානයක් යොමු විය යුතු කරුණක් වන්නේ නිස්කාරණ හා පීඩාකාරී නඩු පැවරීම්ය. අපරාධ වැළැක්වීම සහ නීතිය ක්‍රියාත්මක කිරීම සඳහා පොලිසියට පැවරී ඇති බලතල අත්‍යවශ්‍යය. එහෙත් එම බලතල භාවිත කළ යුත්තේ සාක්ෂි, නීතිය සහ වෘත්තීය වගකීම මත පදනම්වය. පුද්ගලයකුට එරෙහිව සාධාරණ පදනමක් නොමැතිව නඩු පැවරීමක් සිදුවන්නේ නම්, එය අදාළ පුද්ගලයාට පමණක් නොව සමස්ත යුක්තිය පසිඳලීමේ පද්ධතියටම හානිදායකය.Continue Reading

Journalists for Rights meeting

LifeMedia
On:

ප්‍රජාතන්ත්‍රවාදී නිදහසට තර්ජනයක් වන PSTA සහ POCA පනත් කෙටුම්පත් සංශෝධනය කරනු! නිදහස් මාධ්‍ය මර්දනයට හා භාෂණයේ ප්‍රකාශනයේ නිදහස හැකිළීමට එරෙහිව පෙළගැසෙමු!Continue Reading

LawLife
On:

මුලින්ම 22 වැනි ආණ්ඩුක්‍රම ව්‍යවස්ථා සංශෝධනය කරළියට ආවේය. ඉන්පසුව ත්‍රස්තවාදයෙන් රාජ්‍යය ආරක්ෂා කිරීමේ පනත් කෙටුම්පත (PSTA) ඉදිරිපත් කෙරිණි. රාජ්‍ය නොවන සංවිධාන (ලියාපදිංචි කිරීමේ හා අධීක්ෂණය කිරීමේ) පනත් කෙටුම්පත, සංවිධානාත්මක අපරාධ වැළැක්වීමේ පනත් කෙටුම්පත (POCA), විදේශීය ත්‍රස්තවාදී සටන්කරුවන් වැළැක්වීමේ පනත් කෙටුම්පත මෙන්ම වස විස, අබිං සහ අන්තරායකර ඖෂධ ආඥාපනත සඳහා වන සංශෝධන යනාදී වශයෙන් මෙම නීති කෙටුම්පත් නොනැවතී ගලා එයි. මේ සියල්ල විශ්ලේෂණය කිරීමට කාලය හා සම්පත් ඇත්තේ කාට ද? පනත් කෙටුම්පතක් අභියෝගයට ලක් කිරීමට ලබා දී ඇත්තේ සති දෙකක කාලයකි. එම කෙටි කාලය තුළ ශ්‍රේෂ්ඨාධිකරණය හමුවට ගොස් හෝ වෙනත් ක්‍රමවේද භාවිත කරමින්, මේ ගලා එන නීති ප්‍රවාහය නිසා නිදහසට එල්ල වන අවදානම අවම කිරීමට පියවර ගත හැක්කේ කාට ද?Continue Reading

PeoplePlaces
On:

රුවන්වැලි මහ සෑය හැඳින්වීම සඳහා ‘ස්මාරකය’ යන වචනය භාවිත කිරීම සම්බන්ධයෙන් මතුව ඇති සංවාදය හුදෙක් වචනයක අර්ථය පිළිබඳ ප්‍රශ්නයක් නොවේ. එය ශ්‍රී ලංකාවේ බෞද්ධ උරුමය, ජාතික සංස්කෘතික අනන්‍යතාව සහ රාජ්‍ය ආයතන මෙන්ම දේශපාලන බලධාරීන් භාවිත කරන භාෂාව අතර පවතින සම්බන්ධය පිළිබඳ ගැඹුරු සංවාදයකි.Continue Reading

LifePeople
On:

විහාරමහාදේවි උද්‍යානයේදී සිය හැට්ටය අස්සට ලිපියක් දැමීමේ සිදුවීම පිළිබඳ කාන්තාවකගේ ප්‍රකාශයක් පාදක කර ගනිමින් නිර්මාණය වී ඇති සරාගිකකරණය වූ (sexualized) උපහාසය, වත්මන් දේශපාලන සන්දර්භය තුළ ස්ත්‍රීවාදී කතිකාව මුහුණ දී ඇති දෘෂ්ටිවාදී අර්බුදය මනාව නිරූපණය කරයි. උපුල් ශාන්ත සන්නස්ගල වැනි ප්‍රසිද්ධ චරිත සහ ආණ්ඩු හිතවාදීන් විසින් කාන්තාවකගේ දේශපාලනික ප්‍රකාශනයක් ඇයගේ ශරීරය කේන්ද්‍ර කර ගනිමින් අවතක්සේරුවට ලක් කිරීම, ලාංකීය සමාජයේ ගැඹුරින් මුල් බැසගත් පීතෘමූලිකත්වයේ සහ ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වයේ (GBV) පැහැදිලි මනෝවිද්‍යාත්මක ප්‍රකාශනයකි.Continue Reading

LifePeople
On:

1970 දශකයේ ශ්‍රී ලංකාවේ හැදී වැඩුණු පරපුරට ආහාර හිඟය පිළිබඳ මතකයන් අමුතුවෙන් පැහැදිලි කළ යුතු නැත. ආහාර සලාක, පාන් පෝලිම්, ආනයන සීමා සහ වෙළෙඳපොළේ භාණ්ඩ හිඟය එකල ජීවිතයේ කොටසක් විය. අද රටේ දේශපාලන, රාජ්‍ය හා පෞද්ගලික අංශවල විවිධ වගකීම් දරන බොහෝ දෙනකු ඒ අත්දැකීම් ලැබූ දරුවන්ය. එම පරපුරේම සාමාජිකයකු වන මේ ලේඛකයාට ද ඒ අතීතය පෞද්ගලිකව සිහිපත් කළ හැකිය. 1973–1974 කාලයේ ලෝක වෙළෙඳපොළේ ආහාර මිල ඉහළ යාම සහ විදේශ විනිමය හිඟය ද එම තත්ත්වය තීව්‍ර කළේය.Continue Reading