Indian women celebrating the abolishing of triple talaq

තුන් වරක් තලාක් කියා දික්කසාද වන ක්‍ර‍මය ලංකාවේ තවමත් ක්‍රියාත්මකයි

ක්ෂණිකව දික්කසාද කිරීමේ මුස්ලිම් භාවිතාව නීති විරෝධී බවට පත්කිරීමට ඉන්දියාව පියවර ගෙන තිබේ.

(ලිපිය දැන්වීමෙන් පසු නැවතත්)
Sinhala Tamil English Translations and Content Writing

ත්‍රිත්ව තලාක් ක්‍ර‍මය ලෙස හැඳින්වෙන මෙම ක්‍ර‍මය යටතේ ස්වාමි පුරුෂයාට දික්කසාදය යන අරුත දෙන තලාක් නම් වදන තුන් වරක් බිරියට පැවසීමෙන් දික්කසාදය තහවුරු කරගත හැකි ය. මෙම දැනුම් දීම වර්තමානයේදී ඊමේල්, කෙටි පණිවුඩ, වට්සැප් පණිඩුව වැනි ක්‍ර‍ම මගින් ද දැනුම් දීමට පුළුවන් බව කියැවේ.

ශ්‍රී ලංකාවේ ද මුස්ලිම් පුද්ගල නීතිය යටතේ වන මුස්ලිම් විවාහ සහ දික්කසාද පනත යටතේ තලාක් ක්‍ර‍මය ක්‍රියාත්මක වේ. එහෙත්, එය කාති අධිකරණ හරහා විධිමත් අන්දමින් ක්‍රියාත්මක කරන්නේ නම් එය දික්කසාදය දිරිගන්වන අන්දමින් සිදු නොවේ. වරින් වර තුන්වරක් තලාක් පැවසීම සඳහා ඒ අතර කාලයේ තවදුරටත් කල්පනා කිරීමට කල් ලබා දෙන අතර, සැමියා හා බිරිඳ දෙදෙනා ම දික්කසාදයට කැමති විට පමණක් අධිකරණය ඉදිරියේ තලාක් එක වර ම තුන් වරක් පවසා දික්කසාදය ලබාගත හැකි ය. ලංකාවේ මුස්ලිම් කාන්තාවන්ට ද දික්කසාදය ලබාගැනීම සඳහා මේ හා සමාන ක්‍ර‍මයක් තිබේ.

එහෙත්, භාවිතාව තුළ අවස්ථාවාදී පිරිමි සිය බිරියට තලාක් තුන් වරක් පවසා පිට වී යන අවස්ථා තිබේ. එහිදී කාන්තාව හා දරුවන් අසරණ වන අතර ඔවුන්ට අධිකරණයේ පිළිසරණයක් ලබාගැනීම ද ඉතා දුෂ්කර ය. සෙසු අධිකරණ පද්ධතිවල තිබෙන දූෂිත ලක්ෂණ කාති අධිකරණවල ද තිබේ. කාති අධිකරණවලට එරෙහිව මුස්ලිම් කාන්තාවන් වෙතින් ම විරෝධතා මතු වෙමින් තිබේ. කාති අධිකරණවලට කාන්තාවන් පත් කළ යුතු බවට ද, මුස්ලිම් විවාහ හා දික්කසාද පනතට සංශෝධන ගෙන ආ යුතු බවට ද ශ්‍රී ලංකාවේ පාර්ලිමේන්තුව නියෝජනය කරන මුස්ලිම් ඇමතිවරුන් සහ මන්ත්‍රීවරුන් පසුගියදා යෝජනා කළ හ.

වසර 2017දී ඉන්දීය ශ්‍රේෂ්ඨාධිකරණය තලාක් දික්කසාද භාවිතාව ව්‍යවස්ථා විරෝධී බව තීරණය කළේ ය. එහෙත්, ඒ සම්බන්ධ නීති සම්මත කරගැනීම ඉන්දීය පාර්ලිමේන්තුවේ උත්තර මණ්ඩලයේ සහාය නොමැති වීම නිසා පමා වෙමින් තිබිණි. භාරතීය ජනතා පක්ෂය මෙම පනතට සහාය දක්වන මුත්, විපක්ෂ කොංග්‍ර‍ස් පක්ෂය සහාය දක්වන්නේ නැත. කෙසේ වෙතත්, පසුගිය 30දා මෙම පනත උත්තර සභාවේදී සම්මත විය. ඒ අනුව, තලාක් දික්කසාදය දඬුවම් කළ හැකි වරදකි.

පුරුෂාධිපත්‍යයෙන් යුත් බොහෝ සමාජයන්හි ස්ත්‍රීන් සූරාකෑම සඳහා ත්‍ර‍ිත්ව තලාක් ක්‍ර‍මය භාවිතා වේ. ඊජිප්තුව, එක්සත් අරාබි එමීර් රාජ්‍යය, පකිස්තානය, බංග්ලාදේශය වැනි රටවල් එය තහනම් ද කර තිබේ.

ත්‍රිත්ව තලාක් ක්‍ර‍මය අල් කුර්ආනයේ හෝ ශරියා නීතියේ හෝ අතුළත් කරුණක් නොවන මුත් මුස්ලිම් සමාජයන්හි භාවිතාවේ තිබේ. කුර්ආනයේ මදීනාහිදී පහළ වූ සූරත් අල් තලාක් යටතේ දික්කසාදය පිළිබඳ වැකි 12ක් සඳහන් වේ. එම කොටස මෙතැනින් කියැවිය හැකි ය.