K2-18b

බර්ටි රණවීරගේ

වෙනත් ග්‍රහ ලෝකවල ජීවීන් සිටින්නේදැයි මිනිසා විසින් කරන ලද සොයා බැලීම් සාර්ථක කරන්නට ඉඩ තිබෙන, ජීවය පැවතිය හැකි ග්‍රහ ලොවක් ඉතිහාසයේ පළමු වරට විද්‍යාඥයන් හඳුනාගෙන ඇති බව පසුගිය සතියේ වාර්තා වුණා.

Sinhala Tamil English Translations and Content Writing

සෞරග්‍රහ මණ්ඩලයට එපිටින් තිබෙන එය සොයාගෙන තිබෙන්නේ University College London හි විද්‍යාඥයන් පිරිසකි .

එහි ජලය සහ ජීවත්විය හැකි පරිසරයක් ඇතැයි සිතනවා. එහි වායුගෝලයෙහි ජලවාෂ්ප ඇති බව විද්‍යාඥයන් හඳුනාගෙන තිබෙනවා.

K2-18b යනුවෙන් හඳුන්වන එම ග්‍රහ ලෝකය පිහිටා තිබෙන්නේ පෘථිවියේ සිට ආලෝක වර්ෂ 110ක් දුරිනි.

ජීවින්ගේ පැවැත්මට සුදුසු උෂ්ණත්වයක් එහි තිබෙන බව විද්‍යාඥයෝ කියති.

එම ග්‍රහ ලෝකය පෘථිවිය මෙන් දෙගුණයක් විශාල වන අතර ස්කන්ධය අපගේ ලෝකය මෙන් අටගුණයකි .

එම ග්‍රහ ලෝකයට එයට ආලෝකය සපයන තාරකාව වන K2-18 වටා යාමට දින 33ක් ගත වෙනවා. (අපට දින 365 කී.) මෙම ග්‍රහ ලෝකය පිහිටා තිබෙන්නෙ තාරකාවට ආසන්නයේ වන මුත්, එම තාරකාව red dwarf හෙවත් රතු අඟුටුමිට්ටකු නිසා එයින් නිකුත් වෙන රශ්මියේ ප්‍රබලතාව අඩුයි. ඒ නිසා මෙම ග්‍රහ ලෝකය පිහිටා තිබෙන්නේ ජීවය පැවතිය හැකි දුරකිනි. එහෙත්, මෙම ග්‍රහලෝකය මතුපිටට වැටෙන පාරජම්බුල කිරණ ප්‍රමාණය ජීවයක් පැවතිය නොහැකි තරම් අති විශාල වෙන්නට ද ඉඩ තිබේ.

ජීවත්වීමට සුදුසු පරිසරයක් එම ග්‍රහ ලෝකයේ තිබුණ ද එහි ජීවින් සිටින්නේද යන්න දැනගැනීමට තවමත් මගක් නොමැති බව විද්‍යා‍ඥයෝ කියති .

(ඡායාරුපයෙන් දැක්වෙන්නේ එම ග්‍රහලෝකයේ පෙනුම පරිගණකයක් විසින් සැකසු ආකාරයයි )

1 thought on “ජීවය තිබිය හැකි අලුත් ග්‍රහලෝකය ගැන විස්තර

Leave comment

Your email address will not be published. Required fields are marked with *.