Pamunuwa

මහරගම පමුණුවේ වීදි රෙදි වෙළඳුන්ට රාත්‍රී කාලයේදී තම කඩ ලෑලි පාර අයිනේ තබා නොයන්නැයි හමුදාව උපදෙස් දීම ගැන සමාජ මාධ්‍යවල කතිකාවක් ඇති වී තිබේ.

Translations by Creative Content Consultants

පමුණුව වෙළඳපොළ වනාහි දේශීය සුළු හා මධ්‍ය පරිමාණ කර්මාන්තකරුවන්ගේ වෙළඳ අඩවියකි. ඔවුන්ට දිරි දීම මිස අධෛර්ය කිරීම ආර්ථිකයට හොඳ නැත. කෑලි රෙදි මූට්ටු කර මහන ඇඳුම විකුණාගෙන ජීවත් වන මිනිසුන්ට විකල්පයක් නොදී ඔවුන් පළවා හැරීමෙන් සිදුවන්නේ දිළිඳුකම තව තවත් වැඩි වීමයි.

එසේම, පමුණුව යනු යම් වෙළඳ සංස්කෘතියක් ලෙස ද සැලකීමෙහි වරදක් නැත. එය වෙළඳපොළ නම් සාධකයෙහි ඇති විචිත්‍රත්වය ද නිරූපණය කරන අවස්ථාවකි.

වීදියේ වෙළඳාම් කරන මිනිසුන් බොහෝදෙනෙකු කරන්නේ හැන්දෑවට තමන්ගේ බඩු ටික පෙට්ටිවලට පටවා ළඟපාත හිතවත් කඩයක තැබීමයි. කලාතුරකින් ඇතැමෙකුට ඩිමෝ බට්ටන් හෝ ත්‍රිරෝද රථවලින් ඒවා ගෙදර රැගෙන යා හැකි ය. ඇතැමෙකු වෙළඳාම් කරන වීදියට එන්නේ දුරබැහැර සිට ය. මොවුන්ගේ කඩ තට්ටු හදා ඇත්තේ පෙට්ටි ලෑලිවලිනි. හැන්දෑවට ඒවා ගලවා අසල බිත්තියකට හේත්තු කර තබනු ලැබේ. රාත්‍රියට ඒවා අවලස්සන බව ඇත්ත ය‍.

එහෙත්, ජනතාව පසුගිය ජනාධිපතිවරණයේදී ඡන්දය දී ඇත්තේ විනය හා පිළිවෙල අන් සියල්ලට පළමු ඇතිකරන්නට නම් දැන් ඉතින් මේ ප්‍රශ්නවලට මුහුණ දෙන්නට සිදුවීම නොවැළැක්විය හැකි ය. ඡන්ද කාලයේ දේශපාලකයන් උපරිම නිදහසක් විඳිනු දක්නට ලැබුණුමුත් දැන් නැවත ජාතික ආරක්ෂාව ප්‍රමුඛ වී හමුදාව පාරට කැඳවා තිබේ. දුප්පතුන්ගේ කඩ තට්ටු ජාතික ආරක්ෂාවට තර්ජනයක් ලෙස සැලකීම පුදුම විය යුතු තත්වයක් නොවේ.

වීදි වෙළඳුන් නගර සභාවට බදු ගෙවන බැවින් ඔවුන්ට තම කඩ තට්ටු පිළිවෙලට පවත්වාගෙන යාම සඳහා ක්‍රම සලසා දෙන්නැයි ඔවුන්ට නගර සභාවෙන් ඉල්ලා සිටින්නට පුළුවන. ඒවා සැපයීම ඔවුන්ගේ වගකීමකි.

ජනවරමට ගරු කිරීම දේශපාලකයන්ගේ පමණක් නොව මහජනතාවගේ ද වගකීමකි.

Translations

ඡායාරූපය මාලිංග ප්‍රසාද් සතු ය. ස්තුතියි

Leave comment

Your email address will not be published. Required fields are marked with *.