බුදුන් උපන්නේ ශ්‍රී ලංකාවේ බව පවසමින් ජනප්‍රියත්වය පසුපස හඹා යන බෞද්ධ දෘෂ්ටිවාදී කණ්ඩායමක් හා ප්‍රධාන ධාරාවේ බෞද්ධ භික්ෂූන් අතර මතවාදී ගැටුම් ඇති වී තිබේ.

Translations by Creative Content Consultants

මෙම මතවාදය ප්‍රවර්ධනය කරන්නේ මීවනපලානේ සිරි ධම්මාලංකාර නම් භික්ෂුවක් විසිනි. මෙම භික්ෂුව හා ඔහුගේ අනුගාමිකයන් ඓතිහාසික සාක්ෂි සියල්ල බටහිර හා ඉන්දියානු කුමන්ත්‍රණ ලෙස බැහැර කරති. මෙම ආගමික කණ්ඩායම වටා මේ වන විට විශාල අනුගාමිකයන් පිරිසක් රැස් වී සිටිති.

මෙම භික්ෂුව විසින් දේශනා කරනු ලබන බණ ද මතභේදයට ලක් වී තිබේ.

මෙම ගැටුමේ අලුත් ම අවස්ථාවක් ලෙස, බුදු දහම විකෘති කර ප‍්‍රචාරය කරන විවිධ කණ්ඩායම් පිළිබඳව දැඩි පියවර ගන්නා බව ත‍්‍රිපිටක ග‍්‍රන්ථ සංරක්ෂණ මණ්ඩලයේ සාමාජික අස්ගිරි පාර්ශ්වයේ අනුනායක ආනමඩුවේ ධම්මදස්සි හිමි පවසයි.

එහෙත්, එසේ ගනු ලබන ක්‍රියාමාර්ග පිළිබඳ සාකච්ඡා කරනු ලබන්නේ ඉදිරියේදී බව එහිමියෝ පවසති.

Leave comment

Your email address will not be published. Required fields are marked with *.